Ինչպես արդեն հայտնել ենք, Ֆինլանդիայի Վանտաա քաղաքում մեկնարկել է հունահռոմեական ոճի ըմբշամարտի Եվրոպայի առաջնությունը: Այսօր` ապրիլի 5-ին Հայաստանի չորս ներկայացուցիչներից երեքը պարտություն են կրել։
130 կգ քաշային կարգում հանդես եկող Վաչիկ Եղիազարյանն առաջին փուլում պարտվեց ռուս Վասիլի Պարշինին, 66 կգ քաշային Արամ Ջուլֆալակյանն առաջին փուլում հաղթեց թուրք Յուքսել Աթաքանին, սակայն 1/8 եզրափակիչում պարտվեց Իշթվան Լևային:
59 կգ քաշային Գրիգոր Ասլանյանը 1/8 եզրափակիչում պարտվեց բուլղարացի Ալեքսանդր Կոստանդինովին։ Գոտեմարտն ավարտվել է հավասար միավորներով, սակայն հայ ըմբիշը զգուշացում ուներ, ինչի պատճառով հաղթանակը շնորհվեց բուլղարացուն։
