Ուրբաթ օրը Եգիպտոսի զինծառայողները հայտնել են, որ վերջին օրերին ոչնչացվել է 30 թունել, որոնք Սինայը կապում են Գազայի հատվածին: Այս մասին հաղորդում է Ynet-ը:
Հակաահաբեկչական գործողությունների մեկնարկից ի վեր Սինայում ոչնչացվել է մոտ 1500 նմանատիպ թունել, այդ թվում՝ առնվազն 100-ը նախորդ ամիս: Ահաբեկչության և մաքսանենգության այդ օբյեկտների մեծամասնությունը պատկանում է ՀԱՄԱՍ ծայրահեղական խմբավորմանը:
Սահմանամերձ ապօրինի թունելներն օգտագործվում են ինչպես պաղեստինցի ահաբեկիչների կողմից՝ Գազա զինամթերք և պայթուցիկ նյութեր տեղափոխելու համար, այնպես էլ մաքսանենգների կողմից:
