«Բերկուտ» նախկին ստորաբաժանման առաջին մարտիկները աշխատանքի են տեղավորվել մոսկովյան ՕՄՕՆ-ում: Նրանք արդեն սկսել են ձևակերպել Ռուսաստանի քաղաքացիության և բոլոր անհրաժեշտ փաստաթղթերը՝ Ռուսաստանի ներքին գործերի մարմիններում աշխատանքի անցնելու համար: Այս մասին գրում է ITAR-TASS-ը:
Ինչպես հայտնել է Ռուսաստանի ՆԳ նախարարության գլխավոր վարչության կադրային աշխատանքների հարցերով հատուկ նշանակության կենտրոնի պետի տեղակալ Վյաչեսլավ Տկաչը՝ «ներկայում Բերկուտի աշխատակիցներից բավականաչափ ցանկացողներ են դիմել և անցնում են Ռուսաստանի քաղաքացիություն ձևավորելու գործընթաց և ռազմաբժշկական հանձնաժողովներ»:
«Մենք պատրաստ ենք յուրաքանչյուր աշխատակցի հայտնել գործակցություն՝ ծառայության անցնելու հարցում»,- ասել է Տկաչը՝ հավելելով, որ «Բերկուտի» աշխատակիցները կեցության խնդիրներ չունեն:
Նա նաև ընդգծել է, որ ՌԴ ոստիկանությունում պահպանվել են «Բերկուտի» աշխատակիցների կոչումները, ծառայության տարիները, և ըստ այդմ՝ կհաշվարկվի նրանց ստաժը, և նրանք կօգտվեն բոլոր արտոնություններից, որոնք նախատեսված են ՌԴ ներքին գործերի մարմինների աշխատակիցների համար:
