Եվրոպային արմատական բուժում է անհրաժեշտ ռուսական գազից վտանգավոր կախվածության դեմ՝ գրում է The Financial Times-ը: Ասպիսի կարծիք է կազմել ԱՄՆ-ը՝ կարծում է պարբերականն ու հիշեցնում Բրյուսելում ԱՄՆ պետքարտուղար Ջոն Քերիի հայտարարության մասին: Քերին նշել էր, որ Եվրոպան պետք է Կրեմլին խանգարի ռուսական գազը որպես «քաղաքական զենք» օգտագործել:
Ղրիմի բռնակցումը Ռուսաստանին Եվրոպայում Մոսկվայի հետ մայրցամաքի հարաբերությունների քննարկում է առաջացրել: Սակայն այդ կախվածության դեմ պայքարն անչափ դժվար կլինի՝ ասված է հոդվածում: Եթե Եվրոպան լրջորեն է վերաբերվում ռուսական գազից կախված իր վիճակը նվազեցնելուն, ստիպված կլինի արմատական միջոցների դիմել՝ կարծում է թերթը: Մասնավորապես առաջարկվում է գազից անցնել դիզելի և կրճատել գազի օգտագործումը ջեռուցման համար:
Միևնույն ժամանակ, ռուսական ընկերությունները փորձում են երկարաժամկետ հեռանկարով բազմազան դարձնել իրենց հաճախորդների բազան այնքան ակտիվորեն, որքան եվրոպացի քաղաքական գործիչները փորձում են դիվերսիֆիկացնել մատակարարման աղբյուրները՝ նշում է պարբերականը:
