Թեհրանն ուժի մեջ Է թողնում տնտեսական պատժամիջոցների վերացման դիմաց Իրանի միջուկային օբյեկտներ ընդլանված մուտք տրամադրելու Վաշինգտոնին արված առաջարկությունը՝ տեսչական ստուգումներ անցկացնելու համար: Սեպտեմբերի 23-ին CNN հեռուստաընկերությանը տված հարցազրույցում այդ մասին հայտարարել Է Իրանի արտաքին գործերի նախարար Մոհամադ Ջավադ Զարիֆը, որը Նյու Յորքում մասնակցում Է ՄԱԿ-ի Գլխավոր ասամբլեայի նստաշրջանին։
Զարիֆին հարց են տվել, թե նա պատրաստ Է արդյոք կրկին ԱՄՆ-ին առաջարկել վավերացնելու իրանական միջուկային ծրագրի վերաբերյալ Գործողությունների համատեղ համապարփակ ծրագրի՝ այսպես կոչված լրացուցիչ արձանագրությունը: Այդ արձանագրությունը ենթադրում Է ՄԱԳԱՏԷ-ի վաղօրոք իրազեկում Իրանում նոր միջուկային օբյեկտների կառուցման մասին, ինչպես նաեւ արդեն առկա օբյեկտների ավելի ընդգրկուն եւ հանգամանալից տեսչական ստուգում:
«Այո՛, մենք առաջարկել ենք դա, եւ այդ առաջարկությունը մնում Է ուժի մեջ, եթե Միացյալ Նահանգները Կոնգրեսի միջոցով վերացնի պատժամիջոցները եւ այդ կերպ այժմ անի այն, ինչ պետք Է աներ 2023 թվականին (ԳՀՀԾ-ից դուրս չգալու դեպքում)»,- նշել Է Իրանի արտգործնախարարության ղեկավարը։
