Վրաստանի իշխանությունները մտադիր են սահմանափակել պատգամավորական անձեռնմխելիությունը։ Հանրապետության խորհրդարանն ընդունել է համապատասխան լրամշակումներ քրեական դատավարության օրենսգրքում։
Դա թույլ կտա դատախազությանը սկսել պատգամավորների քրեական հետապնդում՝ առանց խորհրդարանի համաձայնության։ Առայժմ լրամշակումները հաստատվել են առաջին ընթերցմամբ։
Ինչպես պարզաբանում է Civil Georgia-ն, ՔԴՕ նոր խմբագրումը պարտավորեցնում է դատախազությանը ստանալ օրենսդիր մարմնի համաձայնությունը նախքան պատգամավորներից որևէ մեկի նկատմամբ քրեական հետապնդում սկսելը։ Միաժամանակ, Վրաստանի սահմանադրությունն ասում է (հոդ. 52), որ խորհրդարանի համաձայնությունն անհրաժեշտ է միայն այն դեպքում, երբ խոսքը վերաբերում է պատգամավորի կալանքին կամ նրա տան խուզարկությանը։
Օրենսդրության մեջ փոփոխությունների նախաձեռնողներ են դարձել կառավարող «Վրացական երազանք» կուսակցության պատգամավորները։
