«Հյուսիս-հարավ» ճանապարհային միջանցքի ներդրումային ծրագրով աշխատող կազմակերպությունների աշխատակիցներն իրենք էլ են տուժել նախկին իշխանությունների եւ որոշ խոշոր կապալառուների ապօրինություններից, շատերը ամիսներ շարունակ չեն ստացել իրենց աշխատավարձը:
28 կազմակերպությունների ներկայացուցիչներն այսօր՝ սեպտեմբերի 20-ին «Ժամանակ» թերթի խմբագրություն էին այցելել՝ իրենց արդարացի բողոքը հայտնելով «Ժամանակ» օրաթերթում հրապարակված տեղեկության առնչությամբ: Նրանց մտահոգել էր օրաթերթում հրապարակված լուրի մեջ ձեւակերպումը․ « Չարաշահումներն այնքան մասշտաբային են, որ Քննչական կոմիտեում զգուշանում են ավելի մեծ թվով մարդկանց մեղադրանք ներկայացնելուց՝ մտահոգվելով, որ արդյունքում կարող է պարզվել, որ չկա մի մարդ, որն առնչվել է այս ճանապարհի կառուցմանը եւ գումար չի յուրացրել»,- նշել էր պարբերականը:
Նշենք, որ խոսքը ոչ թե պայմանագրերով աշխատող եւ իրենց աշխատանքը բարեխիղճ կատարած ենթակապալառու ընկերությունների եւ աշխատակիցների, այլ նախկին իշխանությունների հետ փոխկապակցված եւ ապօրինություններ կատարած անձանց եւ կապալառուների մասին է։
Ի դեպ, 28 կազմակերպությունները հայտարարություն են տարածել, որում ասվում է, թե մոտ 850 աշխատակիցները, որ ընդգրկված են Հյուսիս-հարավ ճանապարհային միջանցքի ներդրումային ծրագրում, դեռ 2018 թվականի սեպտեմբերից չեն ստացել իրենց աշխատավարձերը:
«Մայիսի 30-ին ՀՀ փոխվարչապետ Տիգրան Ավինյանի գրասենյակի ղեկավար Վարագ Վարագյանը հանդիպեց «Հյուսիս–հարավ» ավտոմայրուղու շինարարությամբ զբաղվող ընկերությունների աշխատակիցներիս հետ եւ խոստացավ 45 օրվա ընթացքում մեր խնդիրը լուծել: Սակայն արդեն անցել է 120 օր, մի քանի անգամ հանդիպել ենք Վարագ Վարագյանի հետ, ասում է՝ գործն ընթացքի մեջ է, սակայն դեռ արդյունք չկա:
Կից ներկայացնում ենք 28 շինարարարական ենթակապալառու կազմակերպությունների ցանկը՝ պարտքերի չափով, որոնք հաստատվել են «Կորսան-Կորվիամ» Կոնստրուկցիոն ԲԸ-ի կողմից՝ փոխադարձ ակտերով»,- ասվում է հայտարարության մեջ:
«Կորսան-Կորվիամ» Կոնստրուկցիոն ԲԸ Հայաստանյան մասնաճյուղի ենթակապալառուների ցուցակ (թվով 28 ենթակապալառու)
N Կազմակերպություն անվանումը Պարտքի չափը
1 «ԱԱԲ Պրոեկտ» ՍՊԸ 574 491 741
2 «Էս ընդ Էյ Մայնինգ» ՍՊԸ 253 504 102
3 «Դենտալ Իմպորտ» ՍՊԸ 233 815 923
4 «Սուարդի» ԲԸ Հ/Մ 219 559 596
5 «Միրադա» ՍՊԸ 192 064 443
6 «Կամուրջշին» ՓԲԸ 131 325 161
7 «Բետոնիկա» ՍՊԸ 115 501 315
8 «Շին Թրեյդ» ՍՊԸ 98 612 371
9 «Ապառաժ» ՍՊԸ 81 160 038
10 «ՄԼ Մայնինգ» ՍՊԸ 60 132 468
11 «Տնա-Շին Աշոտ» ՍՊԸ 50 613 970
12 «Աննա Ավետիսյան» ԱՁ 31 167 910
13 «Ռաֆայել» ՍՊԸ 29 053 320
14 «Կամա» ՍՊԸ 26 127 500
15 «Տեր-Հայրապետյանշին» ՍՊԸ 22 412 903
16 «Ժակշին» ՍՊԸ 21 953 199
17 «Ինքնաթափ» ՍՊԸ 19 297 200
18 «Բիզնես Ալտերնատիվ» ՍՊԸ 15 801 400
19 «Քաջ-Տրանս» ՍՊԸ 12 060 940
20 «Նաիրի ՃՇՇ» ԲԲԸ 11 781 702
21 «Դանոյան Յուրա» ԱՁ 7 407 000
22 «Գագիկ Երանոսյան» ԱՁ 6 712 500
23 «Ավետիք Սարգսյան» ԱՁ 3 469 534
24 «Բետպռո» ՍՊԸ 2 625 480
25 «Քեյ դի էյջ» ՍՊԸ 2 554 000
26 «Պյոտր Բլոխին» ԱՁ 2 210 000
27 «Արարատ Թորոսյան» ԱՁ 2 164 000
28 «Պատվական Ասոյան» ԱՁ 969 500