Ռուսական Սու-35 կործանիչը, ինչպես նաև Բե-200 երկկենցաղ-ինքնաթիռը իրենց հնարավորություններն են ցուցադրել Ստամբուլի երկնքում, հաղորդում է Anadolu-ն:
Ինչպես նշվում է, ինքնաթիռները Ռուսաստանից ժամանել են Թուրքիա Teknofest տեխնոլոգիական փառատոնին մասնակցելու համար:
Պարզաբանվում է, որ Սու-35-ի թռիչքը տևել է 15 րոպե, որի ընթացքում այն օդաչուական բարձրագույն վարպետություն է ցուցադրել:
Միևնույն ժամանակ, Բե-200 երկկենցաղ-ինքնաթիռը, որն օդ է բարձրացել Սու-35-ից անմիջապես հետո, հրդեհի մարման հնարքներ է ցուցադրել:
Ինչպես շեշտվում է, այս փառատոնը կանցկացվի սեպտեմբերի 17-ից 22-ը:
