Նյու Յորքի նահանգապետ Էնդրյու Կուոմոն թվիթերի իր էջում գրառում է կատարել, որ նահանգն արգելում է համային հավելումներով էլեկտրոնային ծխախոտը:
Նրա խոսքերով, նահանգը դա կանի, քանի դեռ դաշնային իշխանությունները քննարկում են նման հնարավորությունը:
«Այսօր ես հայտարարում եմ հրատապ հրամանագրի մասին, որն արգելում է համային հավելումներով էլեկտրոնային ծխախոտի վաճառքը»,- հայտարարել է Կուոմոն:
Նա նաև հավելել է, որ ոստիկանությունը և առողջապահության նախարարությունը ինտենսիվորեն պայքարելու են անչափահասներին ծխախոտ վաճառողների դեմ:
Բացի այդ, հստակեցրել է նահանգապետը, նահանգի գործադիր իշխանությունը մտադիր է նախագիծ առաջ քաշել, որը պայքարելու է երիտասարդների շրջանում ծխախոտի գովազդի դեմ:
Միացյալ Նահանգներում ներկայումս թոքային և շնչառական հիվանդությունների դեպքեր են գրանցվել վեյփերների շրջանում: