ԱՄՆ–ում կայացել է Շնոբելյան 29-րդ մրցանակաբաշխությունը։ Հաղթողների շարքում է տակդիրներ փոխող մեքենայի ստեղծող իրանցի գիտնական Իմամ Ֆարահբաքշը։
Հոլանդացի և թուրք գիտնականները պարգևատրվել են իրենց՝ աշխարհում ամենակեղտոտ փողերը հայտնագործության համար։ Դրանք Ռումինիայի Կենտրոնական Բանկի թղթադրամներն են։ Մանրէները դրանց վրա ամենաերկարն են մնում հատուկ պոլիմերների շնորհիվ, որոնք օգտագործվում են տարադրամի արտադրության ընթացքում։
Քիմիայի բնագավառում իրենց մրցանակն են ստացել ճապոնացի մասնագետները, որոնք հաշվարկել են մեկ օրվա ընթացքում հինգ տարեկան երեխայի թքարտադրության քանակությունը։
Հոգեբանության բնագավառում մրցանակը բաժին է հասել գերմանացի Ֆրից Սթրաքին, որին հետաքրքրել էր այն փաստը, որ գրիչը բերանի մեջ տրորելու դեպքում մարդը ժպտում է և դրանից երջանիկ է դառնում, սակայն հետո նա բացահայտել է, որ դա այդպես չէ։
«Բժշկություն» անվանակարգում հաղթող է ճանաչվել իտալացի Սիլվանո Գալուսը, որը եկել է այն եզրակացության, որ պիցան օգնում է խուսափել մահից, եթե այն պատրաստվել և կերվել է Իտալիայում։
Անատոմիայի բնագավառում մրցանակներ են ստացել Ռոջեր Մյուսեն և Բուրաս Բենգուդիֆան, որոնք ուսումնասիրել են հագնված և հանված ֆրանսիացի փոստատարների աճուկների հատվածում ջերմաստիճանի տարբերությունը։
Խաղաղության մրցանակ են ստացել տարբեր երկրների գիտնականներ, որոնք ստեղծել են քորվելու ժամանակ հաճույքի չափման սանդղակը։
Մրցանակները հանձնել են իսկական նոբելյան մրցանակակիրները։ Այս անգամ նրանք չորսն են եղել։ Հաղթողներին Զիմբաբվեում հիպերինֆլյացիայի ժամանակների 10 տրիլիոն զիմբաբվեական դոլար է շնորհվել։
