Արքայազն Հարին և Սասեքսի դքսուհի Մեգան Մարքլը շուտով լողավազանով շքեղ առանձնատուն ձեռք կբերեն Կալիֆոռնիայում, հաղորդում է «Արգումենտի նեդելի» պորտալը:
Նոր տունը գտնվում է ափին շատ մոտ և բառացիորեն ընկղմված է փարթամ բուսականության մեջ: Իսկ առանձնատան կողքին հոյակապ բացօթյա լողավազան կա: Լրատվամիջոցները հայտնում են, որ Մեգանը կարոտում է ջերմ Կալիֆոռնիան, իսկ բրիտանական կլիման նման պայմաններ չի ենթադրում:
Տունը, որը կառուցվել է ժամանակակից կոնստրուկտիվիստական ոճով, ընդարձակ է և շատ լուսավոր. տան պատերը գրեթե ամբողջությամբ ապակյա են: Առանձնատան առաստաղները պատրաստված են բաց գույնի փայտից, իսկ հատակը՝ մուգ թանկարժեք տեսակներից: Շենքն ունի նորագույն տեխնիկայով հագեցած խոհանոց, շքեղ բաղնիք, մեծ սենյակ, որն արքայազն ու դքսուհին պատրաստվում են տրամադրել փոքրիկ Արչիին՝ որպես մանկասենյակ:
Մեգանի և արքայազն Հարիի հարևանները կլինեն առաջին մեծության հոլիվուդյան աստղեր Ջուլիա Ռոբերթսը, Մեթյու Մաքքոնահին, Շոն Փենը, Բարբրա Սթրայզենդը և այլք:
Առանձնատունը գնահատվում է 15 միլիոն դոլար: