Թեհրանում Ռուսաստանի դեսպանատան մամուլի պատասխանատու Անդրեյ Գանենկոն հայտարարել է, որ Իրանի իշխանություններն ազատ են արձակում իրանի զինվորականների կողմից ավելի քան մեկ ամիս առաջ ձերբակալված Stena Impero բրիտանական լցանավի յոթ անդամներին, հաղորդում է «ՌԻԱ Նովոստին»:
Նրա խոսքերով, ազատ արձակվածների թվում է նաև ռուսաստանցի էլեկտրամեխանիկը:
«Յոթ մարդ իսկապես ազատ է արձակվել, դա արվել է նավի սեփականատիրոջ խնդրանքով՝ նավապետի որոշմամբ»,- ասել է Գանենկոն:
Նա նաև հավելել է, որ այժմ նավի վրա այնքան մարդ կա, որ անհնար է այդ կազմով ծով դուրս գալ և անհրաժեշտության դեպքում նավարկել: