Լուրեր
Արմեն Սարգսյանը պետք է կարծիք հայտներ Ամուլսարի վերաբերյալ․ «Իմ քայլի» պատգամավոր
  • 13:15
  • 2019-08-22
  • Դիտումներ՝ *

«Առաջին լրատվական»-ի «Մամուլի հետ սուրճ» հաղորդման այսօրվա հյուրն է ԱԺ «Իմ քայլը» խմբակցության պատգամավոր Արմեն Փամբուխչյանը:

Անդրադառնալով Ամուլսարի հանքի շահագործման վերաբերյալ վարչապետ Փաշինյանի վերջին հայտարարությանը, ինչը ոմանք համարեցին թայմ-աութ, ոմանք էլ՝ հետքայլ, մեր զրուցակիցն ասաց. «Վարչապետի այդ հայտարարությունը վկայում է այն մասին, որ նա միշտ բաց է քննարկումների համար, և մեր կառավարությունն էլ անկողմնակալ է»:

Հարցին՝ Ամուլսարի հարցը որքանո՞վ է կապված վարչապետի՝ սեպտեմբերին ԱՄՆ նախատեսված այցի հետ, Արմեն Փամբուխչյանն ասաց. «Եթե եզրակացությունը լիներ այնպիսին, որ հանքի շահագործումը կվնասի Սևանի և Ջերմուկի ջրերին, ապա ես ձեզ վստահեցնում եմ՝ նմանատիպ որոշում չէր կայացվի: Այս գործընթացը տևել է բավականին երկար, և փորձաքննությունն ավարտվել է հիմա. միգուցե զուգադիպություն է, որ վարչապետը սեպտեմբերին այցելելու է ԱՄՆ»:

Նրա խոսքով՝ քանի որ եզրակացության համաձայն՝ հանքի շահագործումը չի վնասելու Ջերմուկի և Սևանի ջրերին, ապա կառավարությանը մնում է կայացնել ոչ էմոցիոնալ որոշում և ի շահ Հայաստանի Հանրապետությանը. «Հակառակ դեպքում ներդրողն էլ մեզ կհասկանար, եթե մենք ասեինք, որ Սևանը մեզ համար անգին է և ցանկացած ներդրում չի կարող կոմպենսացնել Սևանի վնասը»:

 

Առավել մանրամասն՝ տեսանյութում:

  • Դիտումներ՝ *