ՀՀ գլխավոր դատախազության պատվիրակությունը Իտալիայի մայրաքաղաք Հռոմում 2011 թ. հուլիսի 4-8-ը մասնակցել է Եվրոպայի դատախազների խորհրդատվական խորհրդի (ԵԴԽԽ) աշխատանքային խմբի 9-րդ հանդիպմանը, ինչպես նաև Իտալիայի Արդարադատության բարձրագույն խորհրդի կողմից կազմակերպված միջազգային գիտաժողովին` նվիրված քրեական արդարադատության ոլորտում դատախազության դերի մասին ԵԽ նախարարների կոմիտեի թիվ 2000(19) հանձնարարականի ընդունման 10-րդ տարեդարձին:
Աշխատանքային խմբի հանդիպման ընթացքում քննարկվել և լրամշակվել է «Դատախազության և քրեակատարողական հիմնարկների վարչակազմի փոխհարաբերությունները» վերնագրով ԵԴԽԽ թիվ 6 կարծիքի նախագիծը:
Խորհրդատվական խորհրդի նախագահի, բյուրոյի անդամների կողմից ներկայացվել են իրենց կողմից կատարված աշխատանքները ԵԴԽԽ կարևորության և հեղինակության բարձրացման ուղղությամբ ձեռնարկված քայլերի մասին: Մասնավորապես` հիշատակվել են Դատախազների Միջազգային Ասոցիացիայի 16-րդ ամենամյա հանդիպման և Դատախազների Համաշխարհային 4-րդ գագաթնաժողովում ԵԴԽԽ անդամների ներկայացրած զեկուցումները:
