Լուրեր
Կախարդական փայտիկի օգնությամբ շենքը 4-րդից դարձել է 2-րդ կարգի վթարայնության․ ավագանու անդամ
  • 12:14
  • 2019-08-09
  • Դիտումներ՝ *

Ավագանու նիստին այսօր մասնակցում էր ավագանու 41 անդամ, օրակարգում 3 հարց էր: Առաջինը վերաբերում էր Երևան համայնքի սեփականություն համարվող բնակարանn անհատույց օտարելու մասին հարցին, որը ներկայացրեց «Իմ քայլը» խմբակցության քարտուղար Հասմիկ Խաչունցը:

«Առաջարկվում է թույլատրել Երևանի քաղաքապետին քանդման ենթակա Արցախի պողոտա 4-րդ նրբանցքի 5-րդ ուսումնարանի սպորտային դահլիճի մասնաշենքի նախկին թիվ 120 բնակարանի բնակիչներին վերաբնակեցնելու նպատակով անհատույց օտարել մեկ այլ՝ 2 սենյականոց բնակարան: Նախագիծը ներկայացրել ենք 3 խմբակցություններով, կոնսենսուսային նախագիծ է: Որոշման կայացումը պայմանավորված է նրանով, որ քաղաքացիները, վտանգելով իրենց կյանքն ու առողջությունը, դեռևս բնակվում են ու շահագործում են տարածքներ 4-րդ կարգի վթարային 10 շենքում, այն գտնվում է փլուզման վտանգի տակ: Հանրակացարանային շենքերի բնակիչների վերաբնակեցումը կարգավորող որոշմամբ հնարավոր չի եղել ընդհանուր հիմունքներով լուծել, և անհրաժեշտություն է առաջացել խնդիրը կարգավորել ավագանու միջոցով»,-զեկուցեց բանախոսը:

Նա ուշադրություն հրավիրեց մի հանգամանքի վրա, փաստաթղթերն ուսումնասիրելիս պարզել են, որ նշված շենքը 2013թ-ին որակվել է 4-րդ կարգի վթարային, 2015թ-ին դարձել 2-րդ, իսկ 2018թ-ին՝ դարձյալ 4-րդ․

«Կախարդական փայտիկի օգնությամբ կամ այլ միջամտությամբ, բայց ոչ շինարարական, շենքը հռչակվել է 2-րդ կարգի վթարայնության, հետո 2018թ-ի գրությամբ շենքը նորից դարձել 4-րդ կարգի վթարայնության, ես չեմ կարող գնահատական տալ, բայց կխնդրեմ համապատասխան մարմիններին զբաղվել»:

 

  • Դիտումներ՝ *