«Սելիգեր» ամառային ճամբարի երիտասարդների հետ հանդիպմանը Ռուսաստանի ներկայիս նախագահ Դմիտրի Մեդվեդևը հայտարարել էր, որ իր նախագահական երկրորդ ժամկետի հարցում կկողմնորոշվի Վլադիմիր Պուտինի հետ քննարկումների արդյունքում, ինչը առաջիկա նախագահական ընտրություններում խոսում է Պուտինի մեծ շանսերի մասին:
Այսօր ՀՅԴ ԱԺ խմբակցության քարտուղար, ԱԺ պատգամավոր Արտյուշա Շահբազյանից հետաքրքրվեցինք, թե Պուտինի վերադարձը հնարավո՞ր է փոխի Հայաստանի ներքաղաքական դաշտի դասավորությունը:
Ի պատասխան Արտյուշա Շահբազյանն ասաց. «Նրա վերադարձը շատ հավանական է, կարծես թե չեն էլ թաքցնում: Մի շարք ակնարկներ եղել են: Բայց դա ուղղակիորեն չի կարող ազդել հայաստանյան ներքաղաքական գործընթացների վրա»:
