Վարչապետ Նիկոլ Փաշինյանի երեկվա ելույթից հետո «Առաջին լրատվական»-ը հարցում իրականացրեց Ստեփանակերտում՝ անցորդներին դիմելով «ի՞նչ կարծիքի եք վարչապետի ելույթի մասին», «կուզենա՞ք Արցախում նույնպես կառավարման համակարգի փոփոխություններ լինեն», «ի՞նչ ակնկալիքներ ունեք» և այլ հարցերով:
Քաղաքացիներից մեկը, պատասխանելով «ի՞նչ կարծիք ունեք փոփոխությունների մասին» հարցին, ասաց՝ փոփոխությունները դեռ խոսք են, «թող գործ լինի. պիտի գործ լինի»: Մեկ այլ քաղաքացի հույս հայտնեց, որ ամեն ինչ լավ կլինի: «Շատ հոյակապ կարծիք ունեմ, լավ ծրագիր է մշակված ապագայի համար, կցանկանայի, որ ամեն ինչ իրականություն դառնա, մարդկանց կենսամակարդակը բարձրանա, աշխատավարձը բարձրանա, թոշակները ևս բարձրանան: Բոլորի մասին մտածված է, մենակ մնում է իրականացնել»,- կարծիք հայտնեց հարցվողներից մեկը:
Մանրամասները՝ տեսանյութում։