Այսօր Միլանի վերաքննիչ դատարանը որոշում է կայացրել տուգանել Իտալիայի վարչապետ Սիլվիո Բեռլուսկոնիին պատկանող Finninvest ընկերությանը 560 մլն եվրոյով (մոտ 800 մլն դոլար): Այս մասին հաղորդումէ BBC-ն:
Դատարանը համարել է, որ ընկերությունը պետք է իր մրցակից CIR հրատարակչությանն այդ գումարը վճարի այն բանի համար, որ 90-ականներին կաշառք տալու արդյունքում Finninvest-ին հաջողվել է ձեռք բերել Arnoldo Mondadori Editore հրատարակչությունը, ինչին ձգտում էր նաև CIR-ը: Այդ ձեռքբերումը թույլատրած դատավորը ավելի ուշ դատապարտվել էր կաշառք վերցնելու համար:
Finninvest-ն ավելի վաղ դիմել էր դատարան` բողոքարկելով առաջին ատյանի դատարանի որոշումը, որը նշանակել էր 750 մլն եվրոյի տուգանք: Անցած շաբաթ Բեռլուսկոնին փորձել է խորհրդարանում անցկացնել մի օրինագիծ, համաձայն որի կարելի կլիներ հետաձգել տուգանքների վճարումը: Սակայն օրինագիծը տապալվել է: