Միացյալ Նահանգներում չեղարկել են հոբելյանական, թվով 50-րդ «Վուդսթոք» ռոք երաժշտության փառատոնը, հաղորդում է Variety ամսագիրը:
Այն նախատեսվում էր անցկացնել 2019-ի օգոստոսի 16-ից մինչև օգոստոսի 18-ը, սակայն, հուլիսի 31-ի առավոտյան, բոլոր շահագրգիռ կողմերը հաղորդագրություն են ստացել դրա չեղարկման վերաբերյալ:
Հայտնի է դարձել, որ փառատոնի հիմնական մասնակիցներից մեկը՝ երգչուհի Մայլի Սայրուսը հրաժարվել է մասնակցությունից, միանալով այնպիսի կատարողների, ինչպիսիք են Raconteurs-ը, Lumineers-ը, ինչպես նաև Ջոն Սեբաստիանուն, Քանթրի Ջո Մաքդոնալդը և Կառլոս Սանտանան, որոնք մասնակցել են դեռ առաջին «Վուդսթոք»-ին: Մինչ այդ, Jay-Z-ին, Dead & Company-ին և Ջոն Ֆոգերթին արդեն հայտարարել էին իրենց հրաժարվելու մասին:
«Վուդսթոք 2019»-ի տնօրեն Գրեգ Փեքը հայտնել է, որ թվով 50-րդ փառատոնը չեղարկելու պատճառը նրա կազմակերպիչների և ֆինանսական գործընկերոջ միջև դատական վեճ է: Դա խաթարել է նրանց ծրագրերը՝ ստիպելով միջոցառման անցկացման այլընտրանքային վայր փնտրել:
Արդյունքում, նրանք պարզապես բավարար ժամանակ չեն ունեցել, չնայած այն բանին, որ դրանից հետո հոբելյանական «Վուդսթոք»-ը որոշել են աջակցել մի շարք ականավոր արտիստներ:
«Վուդսթոք» ռոք փառատոնն առաջին անգամ անցկացվել է 1969-ի օգոստոսի 15-18-ը, ԱՄՆ Նյու Յորք նահանգում գտնվող Ուայթ Լեյք բնակավայրի մոտակայքում:
