ՄԱԿ-ի գլխավոր քարտուղար Պան Գի Մունը մեղադրել է սիրիական հակամարտության երկու կողմերին բռնության սրման և խաղաղ բնակչությանը մատակարարվող օգնության արգելափակման մեջ: Այս մասին փոխանցում է Associated Press-ը: Մեղադրանքները հնչել են Անվտանգության խորհրդին ուղղված զեկույցում:
Բռնության սրման հետևանքով Սիրիայի դժվարհասանելի վայրերում մոտ 3.5 մլն մարդ օգնության կարիք ունի՝ ասել է Պան Գի Մունը: Միայն 2014-ի սկզբից նրանց թիվն աճել է 1 միլիոնով:
Չնայած անվտանգության պայմանների վատթարացմանը՝ 2014-ի փետրվարին ՄԱԿ-ի պարենամթերքի համաշխարհային ծրագիրն ու նրա գործընկերները սննդամթերքով են ապահովել 3.7 մլն սիրիացիների:
Բանաձևը հակամարտող բոլոր կողմերից պահանջում է անհապաղ անվտանգ հասանելիություն ապահովել մարդասիրական օգնության մատակարարներին:
Պան Գի Մունի խոսքով՝ համապատասխան բանաձևի ընդունումից հետո դժվարհասանելի շրջաններ մարդասիրական օգնության մատակարարման պայմանները բարելավվել են միայն մասամբ:
Ներկայում կառավարական ուժերի կողմից պաշարված շրջաններում գտնվում է մոտ 175 հազար, գրոհայինների կողմից արգելափակված շրջաններում՝ 45 հազար մարդ:
