Մեծ Բրիտանիայում տղամարդուն ամենակարճատև բանտարկության են դատապարտել երկրի պատմության մեջ, հայտնում է Daily Mail-ը:
Հյուսիսային Սոմերսեթի Պորտիսհեդ քաղաքից 23-ամյա Շեյն Ջենքինսը կալանավորվել է 50 րոպեով: Դատարանը երիտասարդին դատապարտել է նաև 80 ժամ ուղղիչ աշխատանքի և վերականգնման, ինչպես նաև նրան արգելվել է թմրանյութ օգտագործել:
Դեպքը տեղի է ունեցել մայիսի 30-ին. այդ օրը երիտասարդը ալկոհոլի, կոկաինի և մարիխուանայի ազդեցության տակ ավելով ջարդել է նախկին ընկերուհու տան պատուհանը, հարձակվել է երկու ոստիկանների վրա և փախուստի է դիմել հանցագործության վայրից:
Ջենքինսն իրեն մեղավոր է ճանաչել և դատական նիստի ընթացքում երկու նամակ է ընթերցել, որտեղ ներողություն է խնդրել կատարածի համար: Տղայի խոսքերով, նրա վարքի պատճառը եղել են ալկոհոլը և թմրամիջոցները:
