«Հրապարակ»-ը գրում է. «Նաիրիտ» գործարանի աշխատակիցների աշխատավարձերի ճակատագիրը կախված է «Ռոսնեֆտ» ընկերության ներդրումային ծրագրերից։ Սակայն աշխատակիցներն այդ ներդրումային ծրագրերի մասին վարչապետի արած հայտարարությանն այնքան էլ չեն հավատում և փորձել են պարզել, թե արդյո՞ք նման գործընթաց իրականացվում է։
Հիշեցնենք, որ վարչապետ Տիգրան Սարգսյանն իր ելույթում նշել էր, որ «Ռոսնեֆտը» Հայաստանում իրականացնելու է շուրջ 500 մլն դոլարի ներդրումային ծրագիր, որի միջոցով կառուցվելիք գործարանում հիմնական աշխատողները լինելու են հենց «Նաիրիտի» աշխատողները և առաջիկա շաբաթվա ընթացքում արդեն առարկայական քննարկելու են, թե ինչ պայմաններ պետք է ստեղծեն այդ ներդրումների համար, որպեսզի հնարավորինս կարճ ժամկետում դրանք դառնան իրականություն։
«Հարցում ուղարկեցինք Մոսկվա, և «Ռոսնեֆտ» ընկերությունը նույնպես հաստատեց, որ ցանկանում են ներդրումային ծրագրեր սկսել Հայաստանում և սպասում են աուդիտի արդյունքներին ու ՀՀ կառավարության հարկային կարգի հետ կապված խնդիրների իրականացմանը»,-ասաց Ավետիսյանը։»,–գրում է թերթը։
Մանրամասները՝ թերթի այսօրվա համարում։
