Մեծ Բրիտանիայի «Աղետ» և «Հոլբի Սիթի» բժշկական ֆիլմաշարի աստղ Վիկի Հոլդը իսկական բուժքույր է դարձել՝ սիրահարվելով իր ստանձնած դերին:
Ո՞վ կխիզախի նման որոշում կայացնել՝ հեռուստաստուդիայում դերասանի կարիերան փոխարինելով շտապօգնության աշխատանքո՞վ: Մենք գիտենք: Դերասանուհի Վիկի Հոլը բուժքրոջ դեր է կատարել տարբեր հեռուստաշոուներում: Այս դերն այնքան մոտ էր սրտին, որ նա որոշեց ոչ միայն խաղալ, այլև կյանքեր փրկել`արդեն որպես որակյալ բուժաշխատող:
Վիկին իր դերասանական կարիերան սկսել է 80-ականներին՝ դեր ստանձնելով բրիտանական հեռուստատեսության «Բայքեր Գրոուվ» հեռուստասերիալում: Այդ ժամանակից ի վեր նա խաղացել է տասնյակ տարբեր հեռուստատեսային շոուներում:
«Ես հաճախ եմ բուժքրոջ դեր խաղացել, գուցե դա նշան էր ի վերուստ»:
Վիկին որոշեց փոխել մասնագիտությունը երեխաների ծնվելուց հետո: Նրա համար կարևոր էր, որ նոր աշխատանքը նրան հետաքրքրեր այնպես, ինչպես դերասանականը, և օգներ մարդկանց: Անհետաձգելի բուժօգնության սենյակը լիովին համապատասխանում էր այդ նպատակի համար։
«Կարծում եմ՝ բոլորը պետք է աշխատեն շտապօգնությունում, թեև դա հեշտ չէ, այնուամենայնիվ կարող եք շատ գիտելիքներ և վստահություն ձեռք բերել, պարզապես պետք է որոշեք դա անել»:
Վիկին աշխատում է կես դրույքով, հոգ է տանում երկու երեխաների մասին, և դեռ բավականաչափ ժամանակ է մնում դերասանական վարպետության համար: Վերջերս նա նկարահանվեց Քեն Լոչի վերջին՝ «Ներեցեք, ձեզ չգտանք» ֆիլմում … կրկին որպես բուժքույր:
