С-400 հրթիռային համակարգերը Թուրքիան կարող է օգտագործել Ադրբեջանի եւ Հայաստանի միջեւ ռազմական գործողությունների վերսկսման դեպքում: Այդպիսի միտք է հայտնել ադրբեջանցի ռազմական փորձագետ Աբուզեր Աբիլովը Minval.az-ին տված հարցազրույցի ժամանակ:
«Բնականաբար այդ համակարգերը մեզ կօգնեն: Բայց եկեք պարզություն մտցնենք՝ մենք ունենք մեր С-300-ը, որոնք թուրքական С-400-ներից վատը չեն, նրանց միջեւ տարբերությունը չնչին է: Նույն համակարգերն են, միայն ավելի նորացված: Բանակում դա ընդունված է՝ սկզբում փորձարկում են մեկը, հետո փոխում են մատակարարման կազմը, եւ ստացվում է ամբողջովին նոր մոդել: Իսկ զենքի էությունը մնում է նույնը: Մենք ունենք С-300, եւ մեր երկրի ամբողջ երկինքը պաշտպանված է, քանի որ մեր զինված ուժերի տրամադրության տակ են ոչ միայն С-300-ը, կան եւ իսրայելական զինատեսակներ, եւ բելառուսական, եւ ռուսական այլ համակարգեր: Մենք հավատում ենք, որ վաղը, եթե վերսկսվեն ռազմական գործողություններ, թուրքական կողմը ուս-ուսի տված կկանգնի Ադրբեջանի կողքին, եթե պետք լինի՝ կկրակի, կտրամադրի տեղեկատվություն, թուրքական բանակն ավելի ժամանակակից է, քան ադրբեջանականը», ընդգծել է փորձագետը:
Այն հարցին, թե ուժեղ են արդյոք վերոնշյալ զենքերը «Իսկանդերներից», Աբիլովը պատասխանել է. «Տպավորություն է ստեղծվում, որ մեր հասարակությունն ընդհանրապես գլուխ չի հանում սպառազինությունից: «Իսկանդերը» դա օպերատիվ տակտիկական հրթիռ է, որն այդքան էլ վտանգավոր չէ, քան փորձում են ներկայացնել: Դա ատոմային զենք չէ, որպեսզի ներկայացնենք, «հզոր եւ մահաբեր», որը կարող է ոչնչացնել Ադրբեջանի կեսը:
Միշտ, երբ արտասանում են «Իսկանդեր» բառը, մեր հասարակությունը սկսում է նույնը ասել. «Ահա, Ռուսաստանը Հայաստանին նվիրել է «Իսկանդերներ»»: Հետո՞: Մենք էլ «Պոլոնեզ» ունենք, որն իր տեխնիկական բնութագրով ավելի որակյալ է, քան «Իսկանդերները»»:
