Ֆրանսիայի նախագահ Էմանուել Մակրոնը հուլիսի 25-ին Մեծ Բրիտանիայի նոր վարչապետ Բորիս Ջոնսոնի հետ կայացած հեռախոսազրույցում նրան հրավիրել Է առաջիկա շաբաթներին այցելել Ֆրանսիա եւ քննարկել Brexit-ի շուրջն իրադրությունը: Հուլիսի 25-ին այդ մասին հաղորդել Է Reuters գործակալությունը՝ վկայակոչելով Ելիսեյան պալատի ներկայացուցչին:
Գործակալության տեղեկատվության համաձայն՝ Ֆրանսիայի ղեկավարը Ջոնսոնի հետ ապագա բանակցությունների ժամանակ «մտադիր Է հասնել Եվրամիության շահերի բավարարման» ԵՄ-ից Մեծ Բրիտանիայի դուրս գալու պայմաններ սահմանելիս:
Ջոնսոնը Մեծ Բրիտանիաի վարչապետի պաշտոնում հուլիսի 23-ին իր առաջին ճառում խոստացել Է, որ իր երկիրն ամեն դեպքում հոկտեմբերի 31-ին դուրս կգա ԵՄ-ից: Չնայած այն բանին, որ Բրյուսելը բազմիցս հայտարարել Է, որ չի վերանայի Brexit-ի պայմանների շուրջը համաձայնագիրը, որը ձեռք Է բերվել Թերեզա Մեյի կառավարության կողմից, Մեծ Բրիտանիայի կառավարության նոր ղեկավարը վստահություն Է հայտնել, որ երկրի համար լավագույն գործարքի կհասնի: Նրա խոսքով՝ Եվրոպայի ղեկավարների բանակցությունների ընթացքում ինքը կպնդի հասնելու այնպիսի համաձայնագրի, որն ավելի լավ կարտացոլի Մեծ Բրիտանիայի շահերը։
