Տղամարդը հիվանդանոց է տեղափոխվել ողնաշարի պարանոցի հատվածի կոտրվածքով:
Լեհաստանի Գդինյա քաղաքում 39-ամյա բանջի ջամփերը ողնաշարի վնասվածքներ է ստացել թռիչքի ժամանակ ամրագոտիների պոկվելու հետևանքով: Միջադեպը տեսանկարահանվել է, հաղորդում է Mirror-ը:
Տեսագրության մեջ երևում է, թե ինչպես է տղամարդը բարձրանում հարթակի վրա 100 մետր, ապա ցատկում ներքև: Սակայն, ինչ որ պահի ամրագոտիները չեն դիմանում և բանջի ջամփերն ընկնում է ներքև՝ աղմուկով բախվելով օդի բարձիկին:
Տեղական իշխանությունների ներկայացուցչի խոսքերով, ցատկողը, որը «տեսանելի վնասվածքներ չի ստացել» անմիջապես տեղափոխվել է հիվանդանոց: Ինչպես հաղորդում է բրիտանական պարբերականը, հղում անելով տեղական լրատվամիջոցներին, բանջի ջամփերի մոտ կոտրվածք է հայտնաբերվել ողնաշարի պարանոցի հատվածում: Ներկայումս տղամարդը վերականգնվում է և օրթոպեդիկ օձիք է կրում:
Ըստ ակումբի, որը կազմակերպել էր ցատկը, իրենց աշխատանքային 19 տարիների ընթացքում նրանք երբեք նման միջադեպեր չեն ունեցել: Նշվում է, որ ոստիկանությունը ճեղք է գտել բանջիի գլխավոր ամրագոտու վրա, սակայն համոզված չէ, որ դա է միջադեպի գլխավոր պատճառը:
Տեղեկություն կա նաև, որ ցատկելու պահին ջամփերը ալկոհոլի ազդեցության տակ է եղել:
