Արարատի և Վայոց Ձորի մարզերի ընդհանուր իրավասության դատարանում Ռուբիկ Մխիթարյանի նախագահությամբ սկսվում է Բագրատ Նազարյանի գործի դատական քննությունը:
Ըստ մեղադրանքի՝ 32-ամյա Բագրատը 2013 թվականի սեպտեմբերի 27-ին, ժամը 15-ն անց 15-ի սահմաններում մարզի տարածքում տեղակայված սահմանապահ զորքերի զորամասի ուղեկալի հատվածում գտնվող ինժեներատեխնիկական արգելքի սյան մոտով մուտք է գործել զորամասի տարածք, ապա դաշտամիջյան ճանապարհով շարժվել հայ-թուրքական սահմանի ուղղությամբ՝ շրջանցելով հսկիչ-անցագրային կետերը: Նա փորձել է առանց սահմանված փաստաթղթերի հատել հայ-թուրքական սահմանը և մուտք գործել Թուրքիայի տարածք, բայց բռնվել է սահմանապահների կողմից:
Բագրատ Նազարյանի խափանման միջոցը ստորագրությունն է չհեռանալու մասին:
