Կիրակի օրը 8 որոնողական ինքնաթիռ կանցնեն Հնդկական օվկիանոսի հարավային մասի այն տարածքով, որտեղ հայտնաբերվել են մասնիկներ, որոնք կարող են Malaysia Airlines ավիաընկերության Boeing 777 կորած ինքնաթիռի մասերը լինել: NASA-ն փոձում է գտնել կորած ինքնաթիռը՝ ուսումնասիրելով Հնդկական օվկիանոսի հարավային մասի արբանյակային լուսանկարները, փոխանցում է rus.ruvr.ru-ն:
Որոնման տարածքը բաժանված է երկու հատվածի, մեկը՝ բաց օվկիանոսի՝ 59 000 քկմ, մյուսը՝ ավստրալական Պերտ քաղաքից հարավ-արևմուտք՝ 2,5 քկմ հատվածք:
Բացի ավստրալական ինքնաթիռներից՝ օպերացիային ներգրավված են երկու չինական և երկու ճապոնական ինքնաթիռ: Մի քանի նավ ևս մասնակցում է որոնումներին:
Ըստ մարտի 18-ին արված լուսանկարների՝ 22 և 13 մետրանոց օբյեկտներ են հայտնաբերվել: Դրանք Հնդկական օվկիանոսի որոնման գոտու հարավային մասում են՝ մոտ 120 կմ հեռու այնտեղից, որտեղ հայտնաբերվել են երկու ուրիշ մասնիկներ:
Կուալա-Լամպուրից Պեկին թռչող ինքնաթիռը 227 ուղևորով և անձնակազմի 12 անդամներով կորել է մարտի 8-ին:
