Ինչպես երեկ հաղորդել է մամուլը, 44-ամյա Բրեդլի Կուպերը և 33-ամյա Իրինա Շեյքը ամուսնալուծությունից հետո բաժանել են իրենց պարտականությունները 2-ամյա դստեր՝ Լեյի դաստիարակության հարցում: Դերասանը և մոդելը պայմանավորվել են հավասարապես բաշխել երեխայի խնամակալությունը և առայժմ այդ որոշումը չամրագրել իրավաբանորեն: Երեխայի վերաբերյալ նրանք չեն վիճում, այլ հերթականությամբ ժամանակ են հատկացնում նրան: Պապարացիները պարբերաբար լուսանկարում են փոքրիկին մե՛կ այս, մե՛կ այն ծնողի հետ: Այսօր երեխայով զբաղվելու Բրեդլիի հերթն էր:
Դերասանը հայտնվել է լուսանկարչի օբյեկտիվում Նյու Յորքում, երբ քայլում էր մայթով՝ պահելով երեխային և պայուսակը: Ըստ աղբյուրի տեղեկատվության՝ Կուպերը համաձայնել է ապրել Նյու Յորքում, որտեղ իրեն և Շեյքին հեշտ է կիսել ծնողական պարտականությունները:
Նախկին զույգի շրջապատից տեղեկատվական աղբյուրները հավաստիացնում են, որ Իրինայի և Բրեդլիի համար դստեր շահերը ամենից առաջնային են, ուստի աստղերը պատրաստ են պահպանել լավ հարաբերություններ: