Արտակարգ և լիազոր դեսպան Արման Նավասարդյանն «Առաջին լրատվական»-ի հետ զրույցում անդրադարձավ Հայաստանի արտաքին քաղաքականությանն առնչվող խնդիրներին, խոսեց հայ-ամերիկյան հարաբերությունների մասին։
Նավասարդյանի դիտարկմամբ՝ կան մի շարք խնդրահարույց հարցեր, և նաև տարակուսելի է, թե ինչու Մայք Պոմպեոն չընդունեց Զոհրաբ Մնացականյանին. «Այն մակարդակը, որ պետք է պահվեր՝ նախարարը նախարարի հետ, չի եղել։ Հիմա թե ինչ կա սրա տակ՝ պետք է ուշադիր հետևել և հասկանալ»։
Ըստ մեր զրուցակցի՝ տարածաշրջանում ամերիկյան քաղաքականությունը կապված է մի քանի սեգմենտների հետ. «Նախ՝ դա Իրանի հարցն է, թե Հայաստանն ինչպես կդրսևորի իրեն։ Հուսով ենք՝ պատերազմ չի լինի, հիմա ուժեղ բախումներ են տեղի ունենում կիբերպայքարի հետևանքով, բայց Թրամփն այնպիսի քաղաքական գործիչ է, որ բացառված չէ, որ կարող է գնալ այդ քայլին։ Նման հեռանկարի դեպքում կլինի երրորդ համաշխարհային պատերազմ»։
Հարցազրույցն ամբողջությամբ՝ տեսանյութում: