Business-Грузия-ի փոխանցմամբ՝ Վրաստանն էլեկտրաէներգիա կարտահանի Իրան։ «Վրաստանի պետական էլեկտրահամակարգերի» գործադիր խորհրդի նախագահ Սուլխան Զումբուրիձեն Հայաստան կատարած այցի ժամանակ ստորագրել է իրավական ուղղումների համաձայնագիր, որն առնչվում էր Վրաստան-Հայաստան 400 կիլովատտանոց էլեկտրահաղորդագծի կառուցմանը։
Վերջինս միմյանց կկապի Վրաստանի Մառնեուլիի ու Հայաստանի Հրազդանի շրջանները։ Վրաստանի տարածքում այդ էլեկտրահաղորդագծի երկարությունը կազմելու է 40 կիլոմետր։
Էլեկտրահաղորդագծի կառուցումը կավարտվի 2014 թվականին։ Այն կապահովի Վրաստանում արտադրված էլեկտրաէներգիայի արտահանումն Իրան Հայաստանի միջոցով։
Հիշեցնենք, որ էլեկտրահաղորդագծի մասին համաձայնագիրը կնքվել է 2010 թվականի հունվարի 26-ին։
