Ամերիկացի պարուհի Ուիթնի Թորը, որը մոտ 160 կգ է կշռում, համացանցի աստղ է դարձել այն բանից հետո, երբ Yotube-ում տեղադրել է «Գիրուկի պարը» վերնագրով տեսահոլովակը:
Մեկ ամսում տեսագրությունը 2.500.000 դիտում է հավաքել և 29-ամյա Ուիթնիին բերել բազմաթիվ երկրպագուներ:
6 ամիս առաջ Ուիթնին սկսել է «Պետք չէ ամաչել իր մարմնից» քարոզարշավը, որի նպատակը ճարպային ֆոբիայի դեմ պայքարն է:
Մանուկ ժամանակ Ուիթնին տարվել է պարերով, սակայն ստիպված է եղել թողել դրանք, երբ սկսել է արագորեն աճել: 18 տարեկանում նա 115 կգ էր կշռում: Աղջիկը ստիպված էր պայքարել բուլիմիայի դեմ:
Ավելի ուշ նրան տրվել է նաև մեկ այլ ախտորոշում` ձվարանների պոլիկիստոզ, որը կարող է հանգեցնել քաշի ավելացման, մազերի աննախադեպ աճի և անպտղության:
