Մարտի 20-ից սկսած Google-ն ընդլայնում է փոստային թրաֆիքի՝ Gmail ծառայության կոդավորումը՝ անկախ օգտատիրոջ գտնվելու վայրևից: Այս մասին ասվում է ընկերության պաշտոնական բլոգում:
Նշանակություն չի ունենա նաև այն, թե ինչ սարքով է ծառայությունից օգտվում օգտատերը՝ համակարգչի՞ց, հեռախոսի՞ց, թե՞ պլանշետից:
Ինչպես նշվում է՝ HTTPS-ը Gmail-ի համար չափորոշիչ էր դարձել 2010 թվականից: Նախկինում օգտատերերը կարող էին աշխատանքի արագացման համար կոդավորումն անջատել, այժմ նրանք նման հնարավորություն չեն ունենա:
Այժմ բոլոր հաղորդագրությունները կկոդավորվեն նաև տվյալների կենտրոնների միջև թրաֆիքի փոխանակման դեպքում:
