Ադրբեջանական Salam News գործակալության փոխանցմամբ՝ Թուրքիայի Ազգային մեծ ժողովի (ԹԱՄԺ) նորընտիր քուրդ պատգամավորները, որոնք ներկայացնում են «Խաղաղություն ու ժողովրդավարություն» կուսակցությունը (ԽԺԿ), ցանկություն են հայտնել հանդիպում ունենալ ԹԱՄԺ նորընտիր նախագահ Ջեմիլ Չիչեքի հետ։
ԽԺԿ խորհրդարանական խմբակցության ղեկավար Սելահաթթին Դեմիրթաշը հայտարարել է, որ իրենք ցանկանում են կարճ ժամանակահատվածում հանդիպել խորհրդարանի խոսնակի հետ։
Հիշեցնենք, որ քուրդ նորընտիր պատգամավորները, գլխավոր ընդդիմադիր ուժ «Ժողովրդա-հանրապետական» կուսակցության (ԺՀԿ) պատգամավորների նման, բոյկոտում են երդման արարողությունն ու խորհրդարանի նիստերը։
Դրանով քրդերն ընդվզում են Թուրքիայի Բարձրագույն ընտրական խորհրդի կողմից իրենց կուսակից Հաթիփ Դիջլեի պատգամավորության վրա դրած վետոյի որոշման դեմ։ Ի դեպ, երեկ Թուրքիայի Սահմանադրական դատարանը մերժել է այդ բողոքը չեղարկելու Դիջլեի ներկայացրած հայցը։