Ուրբաթ Եվրամիությունը և Ուրկրաինան Բրյուսելում կստորագրեն Ասոցացման մասին համաձայնագիրը: Եվրոպական կողմից փաստաթուղթը կստորագրի Եվրոպական խորհրդի նախագահ Հերման վան Ռոմպեյը, ուկրաինական կողմից՝ վարչապետ Արսենի Յացենյուկը, հաղորդում է korrespondent.net-ը:
Կողմերը կձևակերպեն նաև հավելյալ փաստաթուղթ, որի համաձայն համաձայնագրի քաղաքական մասի իրագործումը կսկսվի անհապաղ, իսկ տնտեսական մասը՝ ուժի մեջ կմտնի Ուկրաինայում ընտրական գործընթացի ավարտից հետո:
«Մենք պատրաստվում ենք Ուկրաինայի վարչապետի հետ ստորագրել Ասոցացման մասին համաձայնագիրը և ամրագրել քաղաքական գործընկերություն, որը Ուկրաինային և ԵՄ-ին կմոտեցնի իրար: Սա ժողովրդավարական ընտրություն է, որն արել է Ուկրաինան: Մենք վճռական կերպով մտադիր ենք համաձայնագրի մյուս մասը ստորագրել հաստատված կարգով»,-ասել է Եվրահանձնաժողովի նախագահ Ժոզե Մանուել Բարոզուն:
