Ֆրանսիայի նախկին նախագահ Նիկոլա Սարկոզին հանդես է եկել ուղերձով՝ իր հեռախոսազրույցների գաղտնալսման սկանդալի կապակցությամբ: Այս մասին գրում է Figaro թերթը:
Սարկոզիի խոսքով՝ երկարատև լռությունն իրեն ստիպել են խախտել բացառապես հանգամանքները: «Ես դա անում եմ միայն այն պատճառով, որ աննախադեպ դաժանությամբ խախտվել են մեր հանրապետության սուրբ սկզբունքները»,- ասել է նա:
Համաձայն հեռախոսազրույցներից ստացված տեղեկությունների՝ նախկին նախագահն իբր ազդել է 2007-ին նախագահական քարոզարշավի ֆինանսավորման հետ կապված կոռուպցիոն սկանդալի հետաքննության վրա: Սարկոզին հերքել է այդ մեղադրանքները՝ պահանջելով գործի բոլոր հանգամանքների թափանցիկ հետաքննություն:
Ինչ վերաբերում է կրկին քաղաքականություն վերադառնալու իր մտադրությանը, նախկին նախագահն ասել է, որ դրա ցանկությունն ընդհանրապես չունի:
