Ռուսաստանի նախագահ Վլադիմիր Պուտինը վրացական իշխանությունների հետ «վարպետության դաս է անցկացրել թեմայի շուրջ, թե ինչ է նշանակում աղքատ Վրաստան»։ Այս մասին հայտարարել է Վրաստանի նախկին նախագահ Միխեիլ Սաակաշվիլին «Ռուսթավի 2» հեռուստաալիքի եթերում։
Սաակաշվիլիի խոսքով՝ իր պատկերացմամբ Ռուսաստանի առաջնորդը նմանվել է կատվի, որը թաթերի մեջ պահել է մկանը և պատրաստ է եղել ցանկացած պահի կուլ տալ նրան։
«Վրաստանի գործող, ամբողջությամբ կոռումպացված իշխանություններն արել են ամեն ինչ՝ տնտեսությունը Ռուսաստանի ուղղությամբ կողմնորոշելու համար, արդյունքն այսօր իր մասին իմաց տվեց»,-ասել է Սաակաշվիլին։
Քաղաքական գործիչն ասել է, որ 2012-ին Վրաստանն ու ԱՄՆ-ն մոտ էին առևտրային համաձայնագիր ստորագրելուն, սակայն Թբիլիսիի գործող իշխանությունները կանխամտածված իր սկսած գործն ավարտին չհասցրեցին։ Եթե պայմանագիրը ստորագրվեր, «Վրաստանում ոչ ոք չէր էլ մտածի ապրանքները Ռուսաստան ներկրելու մասին, այլ ակտիվորեն կսկսեին դրանք ԱՄՆ մատակարարել»։
