Թուրքիան 2016թ. հուլիսի 15-ի ռազմական հեղաշրջման երրորդ տարելիցի կապակցությամբ հեղաշրջման մասին պատմող հոլովակ է պատրաստվում հրապարակել, որը լինելու է 7 լեզվով՝ հաղորդում է թուրքական milliyet-ը։
Հեղաշրջման ձախողումից հետո Թուրքիայում հուլիսի 15-ը սկսեց նշվել որպես Ժողովրդավարության և ազգային միասնականության օր:
Թուրքիայի նախագահի աշխատակազմի հանրային կապերի բաժնի ղեկավար Ֆահրեթթին Ալթունը «Թվիթեր»-ի իր միկրոբլոգում կատարած գրառման մեջ նշել է, որ հուլիսի 15-ին Ժողովրդավարության և ազգային միասնականության օրվա առթիվ նախագահի աշխատակազմի հանրային կապերի բաժինը 7 լեզվով հոլովակ է պատրաստելու, որտեղ բացի թուրքերենից՝ տեղ կգտնեն նաև ռուսերենը, անգլերենը, գերմաներենը, ֆրանսերենը, իսպաներենը և արաբերենը:
