Ադրբեջանը կվերականգնի իր տարածքային ամբողջականություն: Ինչպես հաղորդում է APA գործակալությունը, այս մասին հայտարարել է Ադրբեջանի նախագահ Իլհամ Ալիևը՝ ելույթ ունենալով Բաքվում տոնակատարություններին՝ նվիրված Նովրուզ տոնին:
«Համոզված եմ, որ հակամարտությունը կգտնի արդար լուծում միջազգային իրավունքի հիման վրա, իսկ Ադրբեջանի կվերականգնի իր տարածքային ամբողջականությունը»,- ասել է պետության ղեկավարը՝ ընդգծելով, որ դրա համար երկիրը «պետք է ավելի ուժեղ դառնա»:
Ալիևի խոսքով՝ այսօր աշխարհի հարաբերություններում առաջին տեղում գտնվում է «միջազգային իրավունքը և ուժային գործոնը»:
«Այս դեպքում յուրաքանչյուր երկիր պետք է մեծացնի իր հզորությունը: Մենք արդեն շատ տարիներ զբաղվում ենք այս հարցերով, ստեղծում ենք ուժեղ տնտեսական ներուժ, որը թույլ կտա վարել անկախ քաղաքականություն»,- ասել է Ադրբեջանի նախագահը:
Ալիևը նաև հայտարարել է, որ իր երկրի արտաքին քաղաքական քայլերը «հիմնված են միջազգային իրավունքի և արդարության վրա»:
