Ժամանակակից Իրաքի տարածքում գտնվող Բաբելոն հնագույն քաղաքը ներառված է ՅՈՒՆԵՍԿՕ-ի համաշխարհային ժառանգության ցանկում: Որոշումը կայացվել է հուլիսի 5-ին Բաքվում Համաշխարհային ժառանգության կոմիտեի 43-րդ նստաշրջանում։ Տեղեկությունը հրապարակվել է կազմակերպության Twitter-ում:
Իրաքը գրեթե երեք տասնամյակների ընթացքում ջանքեր էր գործադրում, որ Բաբելոնը հայտնվի ՅՈՒՆԵՍԿՕ-ի ցուցակում:
Բաբելոնը հինավուրց Մեսոպոտամիայի քաղաքներից մեկն է, որը գտնվում է պատմական Աքադի շրջանում: Դա Հին աշխարհի կարևոր քաղաքական, տնտեսական, մշակութային և կրոնական կենտրոն էր:
Նրա ավերակները գտնվում են Բաղդադից 90 կմ հեռավորության վրա, տարածքը 10 քառ․ կմ է կազմում։
https://twitter.com/UNESCO/status/1147140398785138689?ref_src=twsrc%5Etfw%7Ctwcamp%5Etweetembed%7Ctwterm%5E1147140398785138689&ref_url=https%3A%2F%2Fkorrespondent.net%2Fworld%2F4115230-vavylon-vkluichyly-v-spysok-vsemyrnoho-nasledyia-yunesko
