Արդեն մեկ տարի է անցել, ինչ խարխլվեցին Արամի 23 շենքի հիմքերը, և փլուզվեց շենքի մի հատվածը: Ե՞րբ է ավարտվելու մեկ տարվա այս ճարտարապետական քաշքշուկը, և ե՞րբ է շենքը վերականգնվելու: Թեմայի շուրջ «Առաջին լրատվական»-ի հետ զրույցում, անդրադառնալով այս հարցին, «Հայաստանի փոքրիկ երգիչներ» երգչախմբի հիմնադիր, ղեկավար, պրոֆեսոր Տիգրան Հեքեքյանը նշեց. «Կարծում եմ՝ ոչ շուտ: Փլուզվելուց հետո կառավարությունում բարձրաստիճան բազում ղեկավարների ներկայությամբ ասվեց, որ հարցը պետք է լուծվի, մասնագետները խորհուրդ տվեցին և վարչապետն ասաց՝ պատն ամրացրե՛ք, բայց չստացվեց, քանդվեց: Որոշում կայացվեց, որ շենքի այդ հատվածը պետք է վերականգնվի, բայց չգիտես ինչու այդ աշխատանքը դրվեց մեզ վրա, որովհետև այդ հողատարածքի և շենքի սեփականատերը մենք ենք՝ «Հայ փոքրիկ երգիչների ասոցիացիան»:
Ասոցիացիան գտավ իտալացի մասնագետներ, նրանք ասացին, որ կարելի է շենքը փրկել: Կնքվեց հնգակողմ պայմանագիր, ըստ որի՝ չորսամսյա ժամկետում հարցը պետք է լուծվեր: Արի ու տես՝ չստացվեց… Խոչընդոտներ էր առաջացնում քաղաքապետարանի ճարտարապետության բաժինը, այսինքն՝ նրանք, ովքեր թույլ են տալու այս նախագիծը կյանքի կոչել… Ճարտարապետները վրդովված նամակներ գրեցին՝ շտապեցնելով, իսկ քաղաքապետարանը նամակներից մեկում գրել է, որ այս նախագիծն ուղարկվել է «Հին Երևան» կառուցապատողին՝ հորդորելով աջակցել…»:
Տ. Հեքեքյանի խոսքով՝ շենքը քանդելու միտում կա, որովհետև կառուցապատողին՝ «Հին Երևանին» խանգարում է:
««Հին Երևան» ծրագիրը մշակույթի հետ կապ չունի, փող բերող նախագիծ է»,- ընդգծեց մեր զրուցակիցը:- Դատախազությունը պետք է զբաղվի «Հին Երևան» նախագծով»:
Մանրամասն՝ տեսանյութում: