ՌԴ պաշտպանության նախարար Սերգեյ Շոյգուն Ռուսաստանի նախագահ Վլադիմիր Պուտինին զեկուցել է, որ սուզանավում առկա միջուկային կայանը, որտեղ հրդեհի հետևանքով 14 նավաստիներ են զոհվել, աշխատունակ է, հաղորդում է «ՌԻԱ Նովոստին»:
Մինչ այդ, պաշտոնապես հայտնի չէր, որ սարքը հագեցած է միջուկային կայանով:
Նա նշել է, որ սարքի վրա տեղակայված միջուկային էներգակայանը լիովին մեկուսացված է: Անձնակազմն իրականացրել է սարքի անվտանգության հետ կապված անհրաժեշտ գործողությունները, նշել է ՊՆ ղեկավարը:
«Այն լիովին գործում է», – ասել է Շոյգուն:
