Վեյփերները չեն ցանկանում ենթարկվել սիգարետի երկրորդային ծխի ազդեցությանը՝ իրենց սարքերն օգտագործելով ծխողների համար նախատեսված տարածքներում։ Նրանք բողոքարկել էն Շվեյցարական դաշնային երկաթուղու որոշումը։ Լոզանի Unisanté կենտրոնը վեյփինգի վերաբերյալ ծավալուն հետազոտություն է սկսել։
Վեյփինգ ≠ սիգարետ
Հայտնի է, որ վեյփինգը տարբերվում է սիգարետ ծխելուց։ Ըստ էության, հենց սա է «Helvetic Vape» Շվեյցարական վեյփերների ասոցիացիայի տարածած հաղորդագրության հիմնական իմաստը։ Հաղորդագրության մեջ ասոցիացիան քննադատել է “Շվեյցարական դաշնային երկաթուղի” ընկերության նախաձեռնությունը, որի համաձայն վեյփերները ծխողների նման պետք է իրենց սարքերն օգտագործեն կայարանում շուտով գործարկվող ծխողների համար նախատեսված տարածքում։
Երկրորդային ծուխը վնասակար է
Ասոցիացիան համոզմունք է արտահայտել, որ ցանկանալով վեյփորներին դատապարտել ծխողների տարածքում ենթարկվել երկրորդային ծխի ազդեցությանը, Հանրային տրանսպորտի միությունը նրանց վտանգի է ենթարկում։ Ուսումնասիրությունները ցույց են տվել, որ պասիվ ծխողների՝ թոքի քաղցկեղով հիվանդանալու հավանականությունը 10-30% է։ Ավելին, հնարավոր է, որ սիգարետից հրաժարված վեյփերներն այդ քայլի արդյունքում նորից վերադառնան վատ սովորույթին։
Վեյփի գոլորշին սիգարետի ծուխ չէ
Համաձայն ասոցիացիայի անդամների, չի կարելի հավասարության նշան դնել վեյփինգի ու սիգարետ ծխելու միջև։ Փակ սենյակում վեյփերի արտազատած գոլորշու չափումները ցույց են տվել, որ «օդի աղտոտումը զգալի ազդեցություն չի գործում սենյակում գտնվողների առողջության վրա»։ Վեյփինգը սիգարետից հրաժարվելու արդյունավետ միջոց է։
Սկսվել է ծավալուն ուսումնասիրություն
Վեյփինգը որպես սիգարետից հրաժարվելու միջոց դիտարկող ուսումնասիրությունները շատ չեն։ Անհրաժեշտ են ավելի խորը հետազոտություններ, ինչի մասին հայտարարել է Լոզանի (Շվեյցարիա) Ընդհանուր բժշկության ու հանրային առողջապահության համալսարանային Unisanté կենտրոնը։
Այդ իսկ պատճառով կենտրոնը մեկնարկում է ծավալուն անկախ հետազոտական աշխատանք՝ Բեռնի ու Ժնևի համալսարանների հետ համատեղ։ Գիտահետազոտական աշխատանքների շվեյցարական ազգային հիմնադրամի կողմից ֆինանսավորված ESTxENDS ուսումնասիրության շրջանակներում կչափվեն վեյփինգի արդյունավետությունը, օգտագործման անվտանգությունն ու թունաբանությունը։
Ուսումնասիրությանը մասնակցելու համար հավաքագրվելու է 1200 հոգի։ Այդ կամավորները պետք է 18 տարեկանից մեծ լինեն ու օրական նվազագույնը հինգ սիգարետ ծխեն։ Մանրամասները կարելի է գտնել այստեղ։ Ուսումնասիրության մասնակիցները վեց ամիսների ընթացքում կմնան անհատական զննման պայմաններում։ Արդյունքները կհրապարակվեն երկու տարվա մեջ։
Աղբյուրը՝ 20 minutes
