Ստամբուլի չորրորդ քրեական դատարանն արդարացրել է 2003 թ.-ին երկրում ռազմական հեղաշրջում կատարելու դավադրության «Էրգենեկոն» աղմկոտ գործով անցնող 235 կասկածյալների, հաղորդում է Daily Sabah պարբերականը:
Պարբերականի տվյալներով, ահաբեկչական կազմակերպության ղեկավարման, անդամակցման, հրահրման և աջակցության մեջ կասկածվող 235 անձինք արդարացվել են այն հիմքով, որ «Էրգենեկոնը» իրական խմբավորում չի հանդիսանում:
Ինչպես հաղորդում է պարբերականը, միևնույն ժամանակ, չորս կալանավորներ՝ Ալփարսլան Արսլանը, Էրհան Թիմուրողլուն, Իսմայիլ Սահիրը և Օսման Յըլդըրըմը, դատապարտվել են ցմահ ազատազրկման՝ սահմանադրական կարգի խախտման մեղադրանքով:
2003 թ.-ին Թուրքիայում պետական հեղաշրջման փորձ կատարելու մեջ մեղադրվող «Էրգենեկոն» գաղտնի ազգայնական կազմակերպության գործում, ընդհանուր առմամբ, շուրջ 400 մարդ էր ներգրավված. քաղաքական և հասարակական գործիչներ, լրագրողներ, իրավաբաններ, համալսարանական դասախոսներ, պահեստի և գործող զինվորականներ, ոստիկաններ: Դատավարությունը սկսվել է 2007 թվականից:
Ընդդիմությունը «Էրգենեկոնի» գործը «կախարդների որս» է անվանել, իշխանություններին մեղադրելով կեղծարարության մեջ: