Այսօր՝ հուլիսի 1-ին, Ազգային ժողովում հրավիրվել է արտահերթ նիստ: Այժմ քննարկվում է Բարձրագույն դատական խորհրդի անդամի ընտրության հարցը: «Իմ քայլը» խմբակցությունը այդ պաշտոնում առաջարկել է Աննա Մարգարյանի թեկնածությունը:
«Ես խնդրանք ունեմ՝ հրաժարվել «վեթինգ» բառից»,- ի պատասխան «Իմ քայլը» խմբակցության պատգամավոր Սերգեյ Ատոմյանի հարցի՝ ասաց թեկնածուն:
Աննա Մարգարյանի խոսքով՝ մենք խնդիր ունենք դատական համակարգում ապահովելու բարեվարքությունը. «Ես ձեռնպահ կմնայի վեթինգ իրականացնելուց՝ դասական իմաստով, որովհետև դա շատ լայն հասկացություն է: Դատավորների նկատմամբ պահանջները պետք է լինեն հստակ»:
Թեկնածուն նշեց՝ բոլոր այն դատավորները, որոնց նկատմամբ իրավապահ մարմինները տվյալներ ունեն, որ կատարել են հանցագործություն, անպայման պետք է ենթարկվեն պատասխանատվության:
Մանրամասները՝ տեսանյութում:
