NASDAQ բորսայում Apple-ի կապիտալիզացիան իջել է 9 միլիարդ դոլարով՝ մինչև 919.02 միլիարդ դոլար, այն հաղորդագրության ֆոնին, որ ընկերության դիզայնի գծով տնօրեն Ջոնաթան Այվը որոշել է լքել իր պոստը:
Առևտրի ավարտին ընկերության բաժնետոմսերը գնահատվում էին 199.74 դոլար (նախորդը կազմել է 199.8 դոլար):
Այվը որոշել է ստեղծել իր սեփական դիզայներական ընկերությունը՝ LoveFrom: Նրա հաճախորդների թվում կլինի նաև Apple-ը: Այվին կփոխարինի գլխավոր գործադիր տնօրեն Ջեֆ Ուիլյամսը:
«Եղել են որոշ կարևոր նախագծեր, որոնք, ինչպես ես զգում եմ, ես ավարտել եմ: Օրինակ, Apple Park-ը. դա 2004-ից մեկնարկած ծրագիր էր: Մի քանի շաբաթ առաջ տեղի ունեցավ այգու պաշտոնական բացումը: Դա իրոք շատ կարևոր ծրագիր էր, որը տարբերվում էր շատ ուրիշներից, քանի որ դա մեզ համար էր»,- այսպես է բացատրել Այվը իր որոշումը Financial Times-ին:
Այվն աշխատել է Apple-ում 1992 թվականից: Նա նախագծել է iMac, iPod, iPhone և iPad, MacBook և MacBook Pro սարքերի դիզայներական լուծումները:
