Եվրոպան Ռուսաստանի հետ նոր սառը պատերազմի շեմին է՝ հայտարարել է Մեծ Բրիտանիայի արտգործնախարար Ուիլյամ Հեյգը՝ նախազգուշացնելով Ռուսաստանին Ուկրաինայի արևելքում իրավիճակի ապակայունացման մասին: Այս մասին գրում է The Guardian-ը:
Հեյգը հայտարարել է, որ ամբողջ աշխարհը Ղրիմի հանրաքվեն դիտարկում է որպես անօրինական:
Քաղաքական գործիչը նշել է, որ իրավիճակի դիվանագիտական կարգավորմանն ուղղված ջանքերը կշարունակվեն, սակայն կարծում է, որ Ռուսաստանը ճգնաժամը լիցքաթափելու ձգտման որևէ նշան չի ցուցաբերել:
Հարցին այն մասին, թե ինչպես է քաղաքական գործիչը գնահատում ճգնաժամի մասշտաբը, Հեյգը պատասխանել է. «Ես չէի նկարագրի այն որպես սառը պատերազմ, սակայն դա կախված կլինի իրադարձությունների հետագա զարգացումից»:
