Friday, 29 03 2024
«Կրոկուս սիթի հոլ»-ում ահաբեկչության վիրավորների թիվը հասել է 382-ի, ևս 1 մարդ զոհվել է
«Մանրամասներ»․ Դավիթ Ստեփանյանի հետ
Պաղեստինի նոր կառավարության ԱԳ նախարարը ծագումով հայ է և կին
Պապոյանը Կորեայի պաշտոնյային ներկայացրել է Հայաստանի ներդրումային հնարավորությունները
Հայտնի են ձվի շուկայում միջանկյալ ստուգումների արդյունքները
14:00
Live. «Առաջին լրատվական» տեղեկատվական-վերլուծական կենտրոն
13:45
«Մենք ապրում ենք նախապատերազմական փուլում». Լեհաստանի վարչապետ
ՌԴ-ն պատրաստ է նպաստել հայ-ադրբեջանական հարաբերությունների կարգավորմանը․ Սերգեյ Լավրով
Ուղիղ. ԱԺԲ խորհրդի անդամների ասուլիսը
Իսրայելը շարունակում է նախապատրաստվել Ռաֆահ քաղաքում գործողությանը. Նեթանյահու
13:15
Ուկրաինան հայտնել է էներգետիկ օբյեկտներին ուղղված ռուսական զանգվածային հարվածների մասին
Իսկ եթե Ալիեւը լիբերալ աշխարհի դաշնակից դառնա՞
Ոստիկանության Նոր Նորքի բաժին ներխուժելու դեպքով քրեական վարույթի շրջանակներում խուզարկություններ են անցկացվում շուրջ 4 տասնյակ վայրերում
Առցանց անմաքս առևտրի շեմը նվազում է
Հորը բռնության ենթարկելու, հարևանի կնոջը սպանելու համար մեղադրվողը տեղափոխվել է հոգեկան առողջության կենտրոն
«National Geographic»-ը «գինու» շրջագայություն է իրականացրել Հայաստանում
Կաթնամթերքի արտադրամասի արտադրական գործունեության կասեցումը վերացվել է
«Երևանի ավտոբուս» ՓԲԸ տնօրենն աշխատանքից ազատման դիմում է ներկայացրել
ՍԱՏՄ-ն ներկայացրել է ձվի արտադրության և իրացման շուկայի վերահսկողության միջանկյալ արդյունքները
ՌԴ իշխանությունները հայտնել են Բելգորոդի երկնքում 15 թիրախ ոչնչացնելու մասին
-
12:40
Գործ ունենք դավաճանական շղթայի հետ, որը կառավարում է Ռուսաստանը
12:30
ԱՄՆ կառավարությունը 60 մլն դոլար է հատկացրել փլուզված Բալթիմորի կամրջի վերակառուցման համար
-
12:20
Հայաստանը ազատագրական պայքար է մղում, ոչ թե՝ վեկտոր փոխում
12:15
Բելառուսներին այսօրվանից արգելված է անօդաչու թռչող սարքեր ունենալ
Լուրերի օրվա թողարկում 12։00
Մեքենան գլորվել է ձորը, վարորդը մահացել է
Լավրովի անփառունակ տապալումը
Փորձել են առանց հայտարարագրման բջջային հեռախոսներ ներկրել
11:45
Որքա՞ն տարածք են ռուսները գրավել այս տարի Ուկրաինայում
Հալեպի վրա Իսրայելի հարձակման հետևանքով զոհվել է 36 մարդ. Al Hadath

«Յան» ազգանունով Հայաստանի գլխավոր հակառակորդը. Քոչարյանը ժամանակը սխալ օգտագործեց

ՀՀ երկրորդ նախագահ Ռոբերտ Քոչարյանը կալանավորվելուց առաջ հայտարարեց գործող իշխանություններին ընդդիմադիր դաշտում քաղաքական հակառակորդ լինելու իր ծրագրերի մասին։ Քոչարյանը նաև  նշել էր, թե այս պահի դրությամբ հստակ չէ, թե ինչ կարգի միավորման գործընթացներ կլինեն,  միանշանակ պատասխան չէր տվել նաև, թե կցանկանա՞ անձամբ վերադառնալ իշխանության, թե՞ ոչ։

Ի՞նչ զարգացումներ են սպասվում քաղաքական դաշտում նրա կալանավորվելուց հետո, արդյոք միավորման այդ գործընթացը ավելի մեծ թափ կհավաքի՞, թե՞ ոչ։ Առայժմ դատարանի, ապա ԱԱԾ մեկուսարանի մոտ հավաքված մարդկանց քանակն այդ իմաստով մեծ «լավատեսություն» չի ներշնչում, իսկ երբ նայում ենք այն մարդկանց հետագիծը, ովքեր  հավաքվել են Քոչարյանի շուրջը, ամեն բան էլ ավելի պարզ է դառնում։

Քաղաքական և ընտրական տեխնոլոգիաների փորձագետ Արմեն Բադալյանի կարծիքով՝ էական զարգացումներ սպասել պետք չէ: «Երկրորդ նախագահի խափանման միջոցը փոխվեց մայիսի վերջերին, և մինչև  նորից կալանավորվելը նա քաղաքական  միջոցառումներ չնախաձեռնեց, չի զբաղվել քաղաքական գործունեությամբ։ Եվ միակ քաղաքական գործունեությունը հեռուստաընկերություններից մեկին նրա տված հարցազրույցն էր։ Ուրիշ քաղաքական գործունեություն՝ առավել ևս ինչ-որ բևեռների ձևավորում, քաղաքական գործընթացների, կառույցների ձևավորում, իմիջի փոփոխություն՝ այդ ամենը բացակայում է։ Մեկ-երկու լուսանկար է հրապարակվել իր ընտանիքի հետ, բայց դա քաղաքական գործունեություն չէ»,- «Առաջին լրատվական»-ի հետ զրույցում ասաց նա։

Բադալյանն ընդգծեց. «Այս  մեկ ամսվա ընթացքում ես չեմ տեսել, որ երկրորդ նախագահը կամ նրա կողմնակիցները զբաղվեն նման գործողություններով՝ բացառությամբ իր գրքի շնորհանդեսի միջոցառման և իր մեկ հանդիպման իր աջակիցների հետ։ Բայց այս ամենը իրար գումարելով մենք քաղաքական գործունեություն չենք ստանում, ինչ-որ հպանցիկ երևույթներ են և ոչ քաղաքական գործընթաց»։

Մեր զրուցակիցը սա Քոչարյանի կողմից կոպտագույն սխալ է համարում. «Մի բան  պարզ էր՝ նա հայտնվելու էր գործող իշխանությունների թիրախում, և ինքն էր էր նշում, որ չի ցանկանում զբաղվել քաղաքականությամբ, բայց հիմա ստիպված է դա  անել։ Իսկ մեկ ամսվա ընթացքում խոսքից բացի՝ որևէ գործ չտեսանք, նա չօգտագործեց այս ազատությունը քաղաքական ակտիվ գործունեություն իրականացնելու համար»։

Փորձագետը որևէ հզոր բևեռի ձևավորման հնարավորություն էլ չի տեսնում. «Ես չեմ տեսել, որ որևէ քաղաքական ուժ, բացառությամբ մեկ-երկու մարդ-կուսակցությունների, հայտարարի, թե նրանք աջակցում են երկրորդ նախագահին։ Հզոր, ազդեցիկ որևէ ուժ նրան աջակցելու հայտարարություն չի արել, իսկ  աջակցություն հայտնողներն էլ սոցիալական ցանցերի գրառումներից և  որոշ կայքերում դրա արտատպումից այն կողմ չեն անցել։ Մենք նաև չենք տեսել, որ երկրորդ նախագահն ինչ-որ գործընթացներ իրականացնի այդպիսի մի ուժ ստեղծելու ուղղությամբ։ Այսինքն՝ ժամանակը նա ճիշտ չի օգտագործել, իսկ ինչ որ արվել է՝ քաղաքական գործընթացի համար լուրջ ու էական ազդեցություն ունենալ չի կարող։ Այն, ինչ նա ասում էր իր հարցազրույցներում, մենք իրական կյանքում չտեսանք»։

Ըստ Բադալյանի՝ այժմ ընդդիմադիր ուժերը բավականին թույլ և պասիվ վիճակում են, ու դա ամառային տապի հետ կապ չունի, Քոչարյանն էլ կարող էր սա օգտագործել. «Պարարտ հող էր, որ կարող էր օգտագործվել իր կողմից, և նա դա չարեց, ինչը  Քոչարյանի կոպտագույն սխալն էր»։

ԳԽ պատգամավոր Ազատ Արշակյանի կարծիքով՝ մի բան է ճիշտ՝ Քոչարյանը լինելու է ժողովրդավարական, անկախ, ազատ Հայաստանի գլխավոր ընդդիմությունը: «Ինքն ու իր կողմնակիցները կարող են այդպիսին լինել, ու դա միակ ճիշտ բանն է, որ նա կարողացել է  այս վերջին շրջանում ասել»,- «Առաջին լրատվական»-ի հետ զրույցում ասաց նա։

Միևնույն ժամանակ Արշակյանը նշեց. «Երբ 11-րդ բանակը՝ այս կողմից, քեմալականները այն կողմից հարձակվեն Հայաստանի վրա, Ռոբերտ Քոչարյանի հաղթելու շանսերը շատ լուրջ կլինեն։ Քեմալականները, բոլշևիկներն ու Քոչարյանը կգան իշխանության, եթե Հայաստանը երկու կողմից ենթարկվի ագրեսիայի։ Նախորդ անգամ էլ է նա այդ պայմանով հաղթել, նա եկել էր, որ վերականգնի Սովետական Միությունը այս փոքրիկ հայկական հատվածում։ Նա Հայաստանի գլխավոր հակառակորդն է «յան» ազգանունով»։

Բաժիններ
Ուղիղ
Լրահոս
Որոնում