Իսպանիայում ութամյա տղայի ծեծկռտուքը հասակակից աջկա հետ վերածվել է զանգվածային անկարգությունների, որի կարգավորման համար պահանջվել է ոստիկանության հատուկ ստորաբաժանումների միջամտությունը, հաղորդում է Europa Press-ը:
Տեղեկատվության համաձայն, միջադեպը տեղի է ունեցել երկրի հյուսիս-արևմուտքում գտնվող Վալյադոլիդ քաղաքում: Սան Խուանի օրվա տոնակատարության ժամանակ Լոլա Հերերայի հրապարակում ութամյա տղան հարվածել է հասակակից աղջկան, ինչին միջամտել են աղջկա ծնողները:
Փոքրիկ իրավախախտի հարազատներն, իրենց հերթին, պարտքի տակ չեն մնացել և ծեծկռտուքի մեջ են մտել աղջկա հարազատների հետ:
Դեպքի վայր է ժամանել ոստիկանության չորս բրիգադ, երկուսը՝ Ազգային ոստիկանությունից և նույնքան՝ քաղաքային ոստիկանությունից: Այդ պահին հարաբերությունների պարզաբանումն արդեն վերածվել էր զանգվածային անկարգությունների՝ շուրջ 50 հոգու մասնակցությամբ:
Ոստիկանությունն աջակցության համար ստիպված է եղել ևս 8 բրիգադ կանչել, այդ թվում՝ երկու հատուկ ստորաբաժանում:
Հաշվի առնելով իրավիճակը, ոստիկանությունը փորձել է հանգստացնել ամբոխին: Հենց այդ ժամանակ, անկարգությունների հրահրիչները, տղայի հայրն ու հորեղբայրը, փորձել են փախուստի դիմել: Ձերբակալության ժամանակ նրանք դիմադրություն են ցույց տվել և փորձել են հարվածել ոստիկանության աշխատակիցներից մեկին:
Նախնական տվյալներով, տղայի հորից և հորեղբորից բացի ոչ ոք չի ձերբակալվել: Աղբյուրները նշել են, որ այլ ձերբակալություններ չեն կատարվել ելնելով ոստիկանության անվտանգության մտավախությունից և աշխատակիցների պակասի պատճառով:
