«Հրապարակի» տեղեկություններով, ռուսական կրիմինալի մաս կազմող հայկական խմբավորումները նույնպես ներքաշված են այս գործողության մեջ: Այս պահին նրանք մոբիլիզացնում են իրենց ուժերը և խմբեր ուղարկում Ղրիմ: Կրիմինալի գաղափարական ուղղորդումը դրված է «Ռուսական միասնություն» կազմակերպության վրա, որոնց խնդիրն է գողականներին օգտագործել Ղրիմում խժդժություններ և բախումներ հրահրելու մեջ։
«Ախպերությանը» տրված է գործողությունների լիակատար ազատություն, այդ թվում` սառը զենք և հրազեն կիրառելու իրավունք: Հանուն «ռուսական գաղափարի» մարտի նետված հայերն այս օրերին Մոսկվայում վերջին «սխոդկան» են անցկացնում: Ավելի վաղ մերձմոսկովյան Օդինցովո շրջանի ռեստորաններից մեկում «գողերն» անցկացրել էին հերթական հանդիպումը, որտեղ քննարկվել էր քրեական հեղինակությունների մեծ «հավաք» կազմակերպելու հարցը՝ Ուկրաինայի վերաբերյալ ընդհանուր դիրքորոշում մշակելու նպատակով:
«Սլավոնական» երկու խոշոր կլանների ավելի քան 20 առավել ազդեցիկ ներկայացուցիչների հավաքին մասնակցել էին նաև ազգությամբ հայ և վրացի «գողեր»։ Ղրիմում ռուսական շահը պաշտպանելուն կոչված կրիմինալին արդեն տրվել են վերջին հանձնարարականները, կոնկրետ հայկական կրիմինալը պետք է կապ հաստատի համայնքում կշիռ ունեցող ղրիմահայերի հետ, ազդի նրանց քաղաքական կողմնորոշման վրա, տարածի ասեկոսեներ, թե ինչ փայլուն հեռանկարներ են բացվում ռուսական Ղրիմում, և թե ինչպես են, իբր, ուկրաինացիները բոլորին վռնդելու Ղրիմից, եթե կարողանան այն պահել:
Հոդվածն ամբողջությամբ կարդացեք «Հրապարակ» օրաթերթի այսօրվա համարում:
